Təlimçi və ekspertlər

ESDGoals

info@esdgoals.com
+99470 252 08 80

Facebook-f Instagram Linkedin-in Youtube

Əsas səhifə
Haqqımızda
Təlimlər
Konsaltinq
Resurslar
- Sənədlər
- Video Resurslar
Sual-cavab
Əlaqə
Az
- Az
- En

Search for:

Təlimçi və Ekspertlər

Elmir Məmmədli

Yaşıl layihələndirmə və iqlim dəyişmələri üzrə ekspert

Elmir Məmmədli

Yaşıl layihələndirmə və iqlim dəyişmələri üzrə ekspert

3 iyul 1995-ci il tarixində Saatlı rayonunda anadan olub.
2012-2016-ci illərdə Bakı Dövlət Universitetinin “Ekologiya” fakültəsinə daxil olub və bitirib.
2016-2017-ci illərdə Türkiyədə Marmara Universitetinin “Əməyin mühafizəsi” fakültəsinə daxil olub və bitirib.
2020-ci ildə Böyük Britaniyanın Sertifikatlaşdırılmış Maliyyə Menecerləri İnistitunun “İnsan Resusrlarının İdarəedilməsi” üzrə diplomunu əldə edib.
2018-2019-cu illərdə özəl şirkətlərdə “Əməyin mühfizəsi və ekologiya üzrə mütəxəssis” vəzifəsində çalışıb.
2019-2020-ci illərdə Ekologiya və Təbii Sərvətlər Nazirliyinin Dövlət Ekspertiza İdarəsinin “Təbii ehtiyatlardan istifadənin tənzimlənməsi üzrə ekspertiza” sektorunun baş məsləhətçisi vəzifəsində çalışıb.
2019-2021-ci illərdə AMEA-nın Neft-Kimya Prosesləri İnistitutunun “14 saylı Neft və neft məhsullarının metrologiyası və standartlaşdırılması” laboratoriyasının müdir müavini vəzifəsində çalışıb.
2020-ci ildə Ekologiya və Təbii Sərvətlər Nazirliyinin Dövlət Mineral Xammal Ehtiyatlarından İstifadə Agentliyinin “Yer təkindən istifadənin təşkili və reyestri” şöbəsinin rəisi vəzifəsində çalışıb.
2020-ci ildə Bakı Dövlət Universitetinin Ekoloji kimya kafedrasında “Ekoloji ekspertiza” fənni üzrə dəvətli müəllim kimi dərs demişdir.
2020-2021-ci illərdə “Azərsu” ASC-nin Aparatında “Əməyin təşkili və motivasiyası” şöbəsinin rəis vəzifəsində çalışıb.
2021-2023-cü illərdə “Azərsu” ASC-nin Aparatında “Əməyin mühafizəsi və təhlükəsizlik texnikası” şöbəsinin rəis müavini vəzifəsində çalışıb.
2023-2024-cü illərdə “Azərsu” ASC-nin Aparatında “Ekologiya ” şöbəsinin rəis vəzifəsində çalışıb.
2023-2024-cü illərdə BMT-nin İqlim Dəyişmələri üzrə Çərçivə Konvensiyasının 3-cü İkiillik Yenilənmə Hesabatının hazırlanmasında Tullantı sektorunda istixana qazları üzrə ekspert kimi çalışıb.
2024-cü ildən BMT-nin İqlim Dəyişmələri üzrə Çərçivə Konvensiyasının Azərbaycan üzrə seçilmiş ekspertidir.
2021-ci ildən Elm və Təhsil Nazirliyi altında Neft-Kimya Prosesləri İnistitutunun “14 saylı Neft və neft məhsullarının metrologiyası və standartlaşdırılması” laboratoriyasının baş mütəxəssisi vəzifəsində çalışır.
2024-cü ildən “ESDGoals” MMC-nin Təsisçisi və Direktoru vəzifəsində çalışır..

Qeyd : Ekologiya, Əməyin mühafizəsi, İnsan Resurslarının İdarəedilməsi, Layihələrin İdarəedilməsi, Standartlaşdırma və Şəxsi inkişaf sahələrində yerli və beynəlxalq sertifikasiyalara malikdir.

Email:elmir.mammadli@esdgoals.com

Ceyhun Məmmədbəyli

Biznesin və layihələrin idarəedilməsi üzrə eskpert

Ceyhun Məmmədbəyli

Biznesin və layihələrin idarəedilməsi üzrə eskpert

Ceyhun Məmmədbəyli layihə idarəetməsi, strateji konsaltinq və liderlik sahələrində geniş təcrübəyə malik olan tanınmış mütəxəssisdir. O, 2021-ci ilin yanvar ayından etibarən ADA Universitetində Adjunkt müəllim kimi fəaliyyət göstərir və burada Dövlət və Beynəlxalq Münasibətlər Məktəbinin bakalavr və magistr tələbələrinə, həmçinin Biznes Məktəbinin magistr tələbələrinə layihə idarəetməsi üzrə dərslər keçir. Bundan əlavə, 2009-cu ilin sentyabr ayından bəri PASHA Sığorta ASC-də Müstəqil Direktorlar Şurasının üzvüdür və şirkətin strateji nəzarəti və risk idarəetməsində mühüm rol oynayır. 2021-ci ilin yanvar ayından isə Türkiyədə Kanada Ticarət Komissarlığı Ofisinin məsləhətçisi kimi fəaliyyət göstərir və Azərbaycan şirkətləri üçün mühüm konsaltinq xidmətləri göstərir.
Əvvəllər, Ceyhun Azərbaycan Respublikası Ekologiya və Təbii Sərvətlər Nazirliyinin nəzdində Dövlət Mineral Ehtiyatlardan İstifadə Agentliyinin İdarə Heyətinin sədr müavini vəzifəsində çalışmış və agentliyin təşkilati inkişafına və korporativ idarəetməsinə mühüm töhfələr vermişdir. O, həmçinin Develor Azərbaycan şirkətində ölkə direktoru kimi fəaliyyət göstərmiş, təlimçilər qrupunu yenidən qurmuş və çoxsaylı yumşaq bacarıq təlimləri keçmişdir. Azərbaycan Bank Təlim Mərkəzində Baş Təlimçi kimi fəaliyyəti dövründə isə 2,500-dən çox iştirakçıya 147 təlim kursu təşkil etmiş və keçmişdir.
Korporativ sektorda, Ceyhun müxtəlif rəhbər vəzifələrdə çalışmış, o cümlədən Northeast Investments Holding AG-nin Azərbaycandakı nümayəndəliyinin rəhbəri və Mars, Inc. şirkətində müxtəlif idarəetmə vəzifələrində fəaliyyət göstərmiş, bir neçə ölkədə satış qruplarını idarə etmiş və mühüm biznes inkişaf layihələrinə rəhbərlik etmişdir. Təhsil sahəsində də böyük nailiyyətlər əldə etmişdir: Böyük Britaniyanın Bath Universitetinin Menecment Məktəbindən MBA dərəcəsi və PMP və IPMA B səviyyəli sertifikatları kimi bir neçə peşəkar sertifikatlara malikdir.
Azərbaycan, rus və ingilis dillərində səlis danışan, ərəb və türk dillərində isə peşəkar səviyyədə danışa bilən Ceyhun, AmCham Azərbaycan Bankçılıq, Maliyyə və Sığorta Komitəsinin sədr müavini kimi bir sıra peşəkar və əlavə fəaliyyətlərdə də fəal iştirak edir. Onun mükəmməlliyə və davamlı öyrənməyə olan bağlılığı həm akademik, həm də korporativ dünyada onu dəyərli bir şəxs edir.

Sevinc Saruxanova

Biomüxtəliflik və iqlim dəyişikliyi üzrə ekspert

Sevinc Saruxanova

Biomüxtəliflik və iqlim dəyişikliyi üzrə ekspert

Sevinj Saruxanova, təbiətin mühafizəsi, dayanıqlı resurs idarəçiliyi, gənclərin cəlb olunması, ekoturizm, kənd təsərrüfatı və biomüxtəliflik sahələrində 15 illik beynəlxalq inkişaf təşəbbüslərində təcrübəyə malikdir. O, Dünya Bankı, BirdLife, NABU, GIZ, WWF, UNDP və Avropa İttifaqı kimi təşkilatlarla əməkdaşlıq etmiş, dövlət orqanları və yerli icmalarla güclü kommunikasiya bacarıqlarını nümayiş etdirmişdir.
Onun portfeli 2007-2013-cü illərdə Azərbaycanda əhəmiyyətli quş ərazilərinin inkişafı və nəsli kəsilməkdə olan quş növlərinin mühafizəsi layihələrini idarə etməyi əhatə edir. WWF Azərbaycanla 2013-2017-ci illərdə təbiətin mühafizəsi layihələrində çalışmışdır. GIZ Azərbaycanla (2018-2022) Biomüxtəliflik Proqramları üçün potensialın artırılması strategiyalarını inkişaf etdirmişdir. Hazırda BMT İnkişaf Proqramı tərəfindən maliyyələşdirilən "İqlim Dəyişikliyinə Milli Adaptasiya Planı" layihəsinin potensialın artırılması fəaliyyətlərini əlaqələndirir. Sevinj Saruxanova həmçinin Bakı Dövlət Universitetində fəlsəfə doktoru (Ph.D.) namizədi, BDU-nun Ekologiya Fakültəsində köməkçi Müəllim və IUCN Antilop Mütəxəssislər Qrupunun üzvüdür. PMP® sertifikatına malikdir.

Sadiqə Mehdiyeva

Ətraf mühitin hüququ və siyasəti üzrə ekspert

Sadiqə Mehdiyeva

Ətraf mühitin hüququ və siyasəti üzrə ekspert

Sadiqə Mehdiyeva ətraf mühitin mühafizəsi və dayanıqlı inkişaf üzrə 10 ildən çox peşəkar təcrübəyə malik olan hüquqşünasdır.
Bakı Dövlət Universitetinin Hüquq fakültəsində bakalavr (2005), Çexiyanın Karl Universitetinin Hüquq fakültəsində isə Beynəlxalq Ətraf Mühit hüququ və İnsan hüquqları üzrə magistr (2014) dərəcəsi əldə etmişdir.
Sadiqə Mehdiyeva 2019-2023-cü illər ərzində Azərbaycan hökumətinə işğaldan azad edilmiş ərazilər üzrə hüquqi və ekoloji məsələlər üzrə ixtisaslaşmış məsləhətlər vermiş, bu sahə üzrə Müşavir qismində çalışmışdır. Onun Ətraf Mühit hüququ sahəsi üzrə akademik biliklərlə bərabər təsdiqlənmiş təcrübəyə malik olması, istər dövlət, istərsə də FAO, UNIDO, EBRD, UNDP kimi beynəlxalq təşkilatlar tərəfindən icra edilən layihələrdə ekspert qismində uğurlu iştirak etməsinə səbəb olmuşdur.
Sadiqə Mehdiyeva 2021-ci ildən etibarən ADA Universitetinin Hüquq fakültəsində Ətraf Mühit Hüququ üzrə müəllim qismində fəaliyyət göstərir.
Sadiqənin mürəkkəb hüquqi problemlərin həlli və zəruri siyasi həllər təqdim etmək bacarığı ona çalışdığı sahə üzrə ona ciddi nailiyyətlər gətirmişdir. Onun təşəbbüskarı olduğu və rəhbərlik etdiyi “Civə tullantısının daşınması və utilizasiyası” layihəsi ekoloji faydalarla bərabər Azərbaycanın gələcəkdə Minamata Konvensiyası qoşulması üçün nümunə qismində zəmin yaradıb. Sadiqə Mehdiyevanın Azərbaycanda “Kənd təsərrüfatının iqlim dəyişikliyinə adaptasiyası” üzrə layihəsi yerli fermerlərə iqlim dəyişikliyi ilə mübarizədə elmi həll yollarını təqdim etməklə bərabər ona Milli Korporativ Sosial Məsuliyyət 2019 mükafatını da gətirib.

Emilya Qasımova

İqlim maliyyəsi üzrə ekspert

Emilya Qasımova

İqlim maliyyəsi üzrə ekspert

Emilya Qasımova, Azərbaycan Dövlət İqtisad Universitetinin Xüsusi İstedadlar Qrupunda Dünya İqtisadiyyatı ixtisası üzrə bakalavr dərəcəsi almışdır. Daha sonra, Azərbaycan Dövlət Neft və Sənaye Universitetinin ABŞ-ın Corciya Dövlət Universiteti ilə birgə proqramı çərçivəsində menecment ixtisası üzrə Biznesin İdarə Edilməsi magistr dərəcəsinə yiyələnmişdir. Emilya, özəl sektorda maliyyə sahəsində peşəkar təcrübə qazanıb. O, həmçinin BMT-nin İnkişaf Proqramı çərçivəsində Milli Adaptasiya Planı dəstək layihəsində iqlim maliyyəsi üzrə tədqiqat aparmış və Azərbaycan Respublikası Maliyyə Nazirliyində Dayanıqlı İnkişaf Məqsədlərinin maliyyələşdirilməsi sahəsində çalışmışdır.
Hazırda isə Azərbaycan Beynəlxalq Bankında Risklərin İdarə Edilməsi departamentinin Bazar Riskləri şöbəsində çalışır.
Emilya, Beynəlxalq Valyuta Fondu (BVF) və BMT-nin Təlim və Tədqiqatlar İnstitutundan sahəsi üzrə proqramları uğurla tamamlayaraq çoxsaylı sertifikatlar əldə edib.

Biz, “ESDGoals” (Education and Sustainable Development Goals) MMC olaraq, dəyişən dünyaya uyğunlaşan həllər ilə korporativ səviyyədə dəyər yaradan, konsaltinq şirkətiyik.

Facebook Instagram Linkedin Youtube

Sürətli keçid

Haqqımızda
Xəbərlər
Təlimlər
Konsaltinq
Resurslar
Sual-Cavab

İş saatları

Az1073, Bakı şəh., Yasamal ray., Mətbuat pr., 26
info@esdgoals.com
+99470 252 08 80
Bazar ertəsi - Cümə 09.00-18.00

Əlaqə saxla

Education and Sustainable Development Goals MMC

Veb saytın hazırlanması: Birsayt.az

ESDGoals-a xoş gəlmişsiniz!

Hansı xidmət ilə maraqlanırsınız?

WhatsApp Us

🟢 Aktiv

1

Təlimə yazılmaq istəyirsiniz?